အထင်သေးတဲ့စိတ်ကို ဆုံးမပါ - အပိုင်း(၂)

အထင်သေးတဲ့စိတ်က အထင်ကြီးတဲ့စိတ်နဲ့ ခွဲလို့မရဘူး ▬▬▬▬▬▬▬▬▬▬▬▬▬▬▬▬▬▬
★ ဒီနေ့ည ဘုန်းဘုန်းရဲ့ခေါင်းစည်းက 
“အထင်သေးတဲ့စိတ်ကို ဆုံးမပါ” ဆုံးမခိုင်းတာ ကိုယ့်စိတ်ကို 
ဆုံးမခိုင်းတာ။ မနေ့ည ဗိုလ်တစ်ထောင်ဘက်မှာဟောတာက 
မခံချင်တဲ့စိတ်ကို ဆုံးမပါ။ မနေ့ည အဲဒါလေး ဟောထားတယ်။ DhammaDownload ပေါ်မှာ အဲဒါလေးရှိတယ်။ 

★ ဒီနေ့ညကျတော့ #အထင်သေးတဲ့စိတ်ကိုဆုံးမပါ။ 
အထင်သေးတဲ့စိတ်က ဘယ်အချိန်ပေါ်လာမှန်း မသိဘူး။ 
ကိုယ့်ဟာကိုယ် သတိထားမိတဲ့အချိန်မှာ အထင်သေးတဲ့စိတ်က 
အားကောင်းနေပြီ။ 

★ သူများကို အထင်မသေးတတ်ပါဘူး၊ မာနမကြီးပါဘူး 
ဆိုတဲ့ပုဂ္ဂိုလ်လည်း ကိုယ့်ကိုယ်ကိုယ်၊ သူများကို အထင်သေးတဲ့စိတ် 
တနည်းမဟုတ် တနည်းရှိတယ်။ အဲဒါကြောင့် အထင်သေးတဲ့
စိတ်အကြောင်းကို လိုရင်းတိုချင်းလေးနဲ့ ဒီနေ့ည 
ဘုန်းဘုန်းပြောပြမယ်။ 

★ သူတစ်ပါးကို အထင်သေးတယ်ဆိုတာက တခြားလူတစ်ယောက်နဲ့ #ကိုယ့်ကိုယ်ကိုယ် #သွားနှိုင်းပြီးတော့ ကိုယ့်လောက်မတော်ဘူး၊ 
မရှိဘူး၊ ပညာမရှိဘူး၊ ပိုက်ဆံမရှိဘူး၊ အသိုင်းအဝိုင်းမရှိဘူး၊ 
အစွမ်းအစမရှိဘူး။ 

★ အဲဒီလို သူများအပေါ်မှာ သွားဆုံးဖြတ်ပြီးတော့ အင်္ဂလိပ်လို
ပြောတာတော့ judge လုပ်တယ်ခေါ်တယ်၊ ဆုံးဖြတ်ပြီးတော့ အဲဒီလူပေါ်မှာ ကိုယ်က ကိုယ့်ထက်နိမ့်တယ်ဆိုပြီးတော့ အထင်သေးတဲ့စိတ်လေးဖြစ်တာ။ အင်္ဂလိပ်လိုပြောတာ looking down ဆိုတာ ကြည့်တာ အပေါ်ကနေ သူ့ကိုကြည့်တာ looking down. 

★ အထင်သေးတာ သူများကိုအထင်သေးတာ ဘာကြောင့်
အထင်သေးတုန်းဆိုတော့ ကိုယ်ကိုယ်၌ကကိုယ်က ကိုယ်ရဲ့ မသိစိတ်ထဲမှာ ကြောက်စိတ်က ဆိုးနေလို့။ ဘယ်လိုဆိုးတာတုန်း၊ ဘယ်လို
ဆက်စပ်တာတုန်း။ အထင်သေးတဲ့စိတ်က 
အထင်ကြီးတဲ့စိတ်နဲ့ ခွဲလို့မရဘူး။ 

★ နောက် သူများကိုသွားပြီးတော့ အထင်သေးရင် အဲဒီလူကလည်းပဲ 
အဲဒီအချိန်မှာ လူတစ်ယောက်ကို သူက အထင်သေးနေပေမယ့်၊ 
လူတစ်ယောက်၊ အဖွဲ့အစည်းတစ်ခု၊ လူမျိုးတစ်မျိုး သူတို့ကို အထင်သေးချင်အထင်သေးမယ် ဒါပေမယ့် သူရဲ့မသိစိတ်ထဲမှာလည်းပဲ တခြားလူက သူ့ကို အဲလိုအထင်သေးမှာကို အရမ်းကြောက်ပါတယ်။ အရမ်းကြောက်တယ်။ 

★ #သူများကိုအထင်သေးတဲ့ပုဂ္ဂိုလ်က သူ့ကိုယ်သူ #သူများအထင်ကြီးတာ #သူကြိုက်တယ်။ အထင်ကြီးတာ သူမျှော်လင့်တယ်။ 
အထင်ကြီးအောင်ပဲ သူလုပ်ပါတယ်။ အထင်ကြီးအောင်ပဲ 
သူလိုက်ရှာတယ်။ သူ့ကို အထင်ကြီးတဲ့လူနဲ့ပဲ သူကပေါင်းတယ်။ သူ့ကိုအထင်သေးတဲ့လူနဲ့ဆို သူက ရန်ဖြစ်မှာ။ 
အဲလူနဲ့ မပေါင်းနိုင်ဘူး။ 

★ ဘယ်လိုနေရာမျိုးမှာ အထင်သေးတတ်တုန်း? လူ့လောကမှာ 
self-confidence ဆိုတာ ကိုယ့်ကိုယ်ကိုယ် ယုံကြည်မှုရှိအောင် မနည်းလုပ်ယူရပါတယ်။ 

★ ငယ်ကတည်းကစပြီးတော့ မိဘတွေက ကိုယ့်ရဲ့သားသမီးတွေ 
သူတို့ self-confidence ကိုယ့်ဟာကိုယ် ယုံကြည်မှုရှိအောင်၊ နောက်အင်္ဂလိပ်စကားလုံးတစ်လုံးက self-esteem ဆိုတာ 
ကိုယ့်ဟာကိုယ် အထင်ကြီးအောင် ကိုယ့်ဟာကိုယ်ယုံကြည်အောင်၊ 
အဲလို ရှိအောင် လုပ်ကြတာ။ 

★ ဒါကြောင့်ကလေးတွေ ၀လုံးလေး ရေးတတ်ပြီဆိုရင် မိဘက 
ချီးမွမ်းပေးရတယ်၊ သြကာ လုပ်ခိုင်းတယ် သြကာ လုပ်တတ်တယ်၊ တစ်ကြိမ်လုပ်တယ် “နောက်တစ်ကြိမ်လုပ်ပါအုန်း” ၊ 
“နောက်တစ်ကြိမ်လုပ်ပါအုန်း” သုံးကြိမ်ပြည့်သွားရင် 
ဒါ ချီးမွမ်းပေးရတယ်။ 

★ အဲလို မချီးမွမ်းဘဲနဲ့ ဒါလေးတောင် မလုပ်တတ်ဘူးလား 
မိဘတွေက အဲလိုသွားပြောရင် အဲကလေးက တစ်သက်လုံး 
သူ့ကိုယ်သူ ယုံကြည်မှု မရှိတော့ဘူး။ သူ့ကိုယ်သူ ယုံကြည်မှုမရှိတဲ့
ကလေးက သူ့ဦးနှောက်ကလည်း မဖွံ့ဖြိုးတော့ဘူး။ 
သူဘာပဲ လုပ်တတ်လုပ်တတ် သူမလုပ်ရဲဘူး။ 
သူက self-esteem နည်းနေတာကိုး။ 

★ တခြားလူတွေကို ကြည့်တဲ့နေရာမှာ သူက ကြောက်စရာကြီး
အနေနဲ့ပဲ သူ ကြည့်တယ်။ သူ့ကိုယ်သူ မယုံကြည်တော့ဘူး 
inferiority complex လို့ခေါ်တယ် အင်္ဂလိပ်လို psychology မှာ။ 
အဲဒါလည်း မာနတစ်မျိုးပဲ။ အဲဒါ အများစုကတော့ 
မာနလို့ မထင်ဘူး။ 

★ ဒီလူက မာနကွီးတယျလို့ပွောရငျ လူအမြားစုက ဘယျလိုမွငျတုနျး။ ထောငျလှှားတဲ့ပုဂ်ဂိုလျ၊ တခါတညျး အရမျးကို သူ့ကိုယျသူ 
သူမြားထကျ အစစအရာရာ သာတယျလို့ ဝါကွှားတဲ့ပုဂ်ဂိုလျ 
အဲပုဂ်ဂိုလျကိုမှ မွနျမာလို မာနကွီးတယျလို့ပွောတာ။ 

★ မြတ်စွာဘုရားရဲ့ ပိဋကတ်တော်ထဲမှာ မာနကြီးတယ်ဆိုတာက 
ကိုယ့်ကိုယ်ကိုယ် ယုံကြည်မှုမရှိ၊ အမြဲတမ်းအားငယ်နေတဲ့၊ 
သိမ်ငယ်စိတ်ဖြစ်နေတဲ့ အဲလူရဲ့မာနကို “ဟီနမာန”၊ 
#ဟီနမာန်လို့ခေါ်တယ်၊ နာသူရဲ့မာနတဲ့။ 
သာသူရဲ့မာနနဲ့ နာသူရဲ့မာန။ 

★ အမှန်က သုံးခုရှိတယ် #သာသူရဲ့မာန နဲ့ 
#တန်းတူမာန နဲ့ #နာသူမာန သုံးခုရှိတယ်။ ကျေးဇူးတော်ရှင်အောက်စဖို့ဒ်ဆရာတော် 
ပါမောက္ခဒေါက်တာ အရှင်ဓမ္မသာမိ