|| ဓမ္မကို အဖေါ်ပြုနေထိုင်တတ်ခြင်း ||

✦ တစ်ခါတစ်ရံ ဘဝဆိုတာ အင်မတန်မှ ကြောက်စရာကောင်းတယ်၊
သတိကောင်းကောင်းနဲ့ အေးအေးချမ်းချမ်းနဲ့ သေသွားတဲ့ ပုဂ္ဂိုလ်တွေ
မရှိဘူးလားဆိုတော့ ရှိတယ်နော်။

✦ တရားလေးနှလုံးသွင်းပြီးတော့ အေးအေးချမ်းချမ်း
သေသွားတဲ့ပုဂ္ဂိုလ်တွေ ရှိတယ်။
သို့သော် တစ်ရံတစ်ခါကျလို့ရှိရင် သတိလက်လွတ် ဖြစ်ပြီး
သေသွားတဲ့ပုဂ္ဂိုလ်လည်း ရှိတယ်။

✦ စစ်ကိုင်တောင်ရိုးမှာ ဆိုလို့ရှိရင် ဆရာတော်တစ်ပါးဟာ (၂)နှစ်နီးပါး ••• အယ်ဇိုင်းမားဖြစ်ပြီးတော့ ဘာမှကို မသိတဲ့ အနေအထားမျိုး၊
ဒီလိုဖြစ်ပြီးတော့မှ နောက်ဆုံး ဘဝတစ်ခုကို အဆုံးသတ်သွားတယ်။
ဘဝဆိုတာ ဘယ်လိုမှ ပြောလို့မရဘူး၊ ကြောက်စရာ အင်မတန်ကောင်းတယ်။
အဲဒီ ဆရာတော်ဆိုတာ နိုင်ငံကျော်ဓမ္မကထိကပဲနော်။
မြန်မာနိုင်ငံအနှံ့လှည့်ပြီးတော့ တရားဓမ္မတွေ ဟောပြောခဲ့တယ်။

✦ ေနာက္တစ္ခါ ••• တစ်ဦးထပ်တွေ့သေးတယ်။ စစ်ကိုင်းမြို့က
ဒကာကြီးတစ်ယောက်၊ လူကြည့်တော့ ကျန်းကျန်းမာမာ၊
ဘာဖြစ်လဲဆိုရင် လျှာကို လေဖြတ်ထားတာ၊ စကားမပြောနိုင်ဘူး၊
အဲဒါမျိုးကလည်းပဲ ဘာကိုဖြစ်စေတုန်းဆိုရင် ဒေါသကိုဖြစ်စေတယ်။

|| သူက ပြောချင်တယ်၊ ပြောလို့မရဘူး၊ ဘေးကလူတွေကို အားမလို
အားမရဖြစ်တယ်၊ ဒုက္ခတွေရောက်တယ်။အဲဒီ လေဖြစ်တာဟာ
ကိုယ်ပြောချင်လျက်သားနဲ့ ပြောလို့မရဘူး၊ လှုပ်ချင်လျက်သားနဲ့
လှုပ်လို့မရဘူးဆိုတဲ့အချိန်မှာ ဓမ္မကို အဖော်မပြုနိုင်ဘူးဆိုရင်
တော်တော့်ကို စိတ်သောကရောက်မယ့် အဖြစ်မျိုးတွေပဲ။

✦ ဘာဖြစ်လို့တုန်းဆိုရင် ကိုယ်က လုပ်ချင်တာ ဘာ တုန်းဆိုရင်
ကိုယ်က လုပ်ချင်တာက တခြားနော်၊ ဘေးက လူတွေက နားမလည်တော့
လုပ်ပေးတာက တခြားဆိုတော့ ဟာ ဒုက္ခတွေ ဘယ်လောက်ရောက်မလဲ ဆိုတာနော်။အဲဒီအချိန်မှာ ကိုယ့်ဆန္ဒတွေ ဦးစားမပေးနဲ့တော့နော်။

✦ဘာကြီးပဲဖြစ်ဖြစ် ဓမ္မနဲ့ပဲနေမယ်၊ အချိန်မရွေး သေချင်တဲ့အချိန် သေပါစေ၊
တရားကိုပဲ နှလုံးသွင်းနေမယ်ဆိုတဲ့ အနေအထားမျိုး ကိုယ့်ကိုယ်ကို
စိတ်ဒုံးဒုံးချနိုင်မှ၊ မချနိုင်ဘူးဆိုရင် ဒေါသတွေဖြစ်မယ်။
တချို့ဆို ဒေါသတွေဖြစ်ပြီး အဲဒီလိုနေတယ်။

✦ ဟိုး - အမေရိကမှာနေတဲ့ ဒကာကြီးတစ်ယောက်ဆိုရင်
ဘယ်လောက် ဝမ်းနည်းစရာကောင်းလဲဆိုတော့ လေဖြတ်သွားတယ်၊
ပထမ ခြေထောက်တွေ လက်တွေ လေဖြတ်သွားတယ်၊ နောက်ဆုံး လေဖြတ်တာ ဘယ်အထိရောက်သွားလဲ ဆိုတော့ ပုတ်ခတ်ပုတ်ခတ်နဲ့ မျက်တောင်လေးပဲ
ခတ်နေတယ်၊ ဘာမှ မပြောနိုင်တော့ဘူး။ မိတ်ဆွေသင်္ဂဟတွေက
သွားပြီးတော့ လူမမာမေးတဲ့အခါကျတော့ မျက်တောင်လေးခတ်ပြီး
ကြည့်ရင်းက အဲဒီ မျက်တောင်လေးကြားထဲက မျက်ရည်လေးတွေက
ပေါက်ကနဲ ပေါက်ကနဲ ထွက်ကျလာတယ်…

▶ကဲ၊ သူဘယ္လို ••• ခံစားနေရမလဲဆိုတာ စဉ်းစားကြည်ပေါ့နော်။
❦ ကဲ ဘုန်းကြီးတို့တစ်တွေ အဲဒီလို မပြောနိုင် မဆိုနိုင်တော့တဲ့ဘဝ၊
အသိလည်း ရှိနေသေးတယ်၊ ခံစားနေရတယ်ဆိုရင် ဘာနဲ့နေကြမလဲ၊
ဘာကြောင့် အဲဒီလို မျက်ရည်ကျနေရတာလဲ စဉ်းစားကြည့်ရအောင်နော်။
✦အဲဒီလို မျဖစ္ဖို့ရာကေတာ့ အရေးကြီးဆုံးက ဘာလဲဆိုရင် •••

🔚စကားနဲ့ပဲ နှလုံးသွင်းပြီးတော့နေမယ်၊
🔚အကယ်၍များ မသေခင်ကပဲ တရားကို နှလုံးသွင်းပြီးတော့ နေနိုင်မယ်၊
🔚ကိုယ့်ဆန္ဒတွေကို ရှေ့တန်းမတင်ဘဲနဲ့ ကိုယ့်ကို ပြုစုတဲ့
ပုဂ္ဂိုလ်တွေအပေါ်မှာ ဘာမှ ဒေါသတွေ မကျေနပ်တာတွေ မဖြစ်စေဘဲနဲ့
🔚အဲဒီအချိန်မှာ ဘာဆန္ဒမှ မထားတော့ဘဲနဲ့ တရားကိုပဲ နှလုံးသွင်းမယ်ဆိုတဲ့
အနေအထားမျိုးနဲ့ နေနိုင်မှ ဘုန်းကြီးတို့တစ်တွေဟာ
ထာဝရချမ်းသာမှု ဆိုတာ ရနိုင်မှာဖြစ်တယ်ပေါ့နော်။
【ကျေးဇူးရှင် ပါချုပ်ဆရာတော်ဘုရားကြီး 
ဒေါက်တာနန္ဒမာလာဘိဝံသ】