အထင်သေးတဲ့စိတ်ကို ဆုံးမပါ - အပိုင်း (၅)

အထင်ကြီးခြင်း အထင်သေးခြင်းက ဒင်္ဂါးတစ်ချပ်လို
ခေါင်းနဲ့ပန်း ဟိုဖက်ဒီဖက်ပဲ 
▬▬▬▬▬▬▬▬▬▬▬▬▬▬▬▬▬
★ တချို့နေရာတွေဆိုရင်လေ ဘုန်းဘုန်းက ကလေးတွေကို 
စားသင်ပေးတဲ့အခါမှာ တရားသင်ပေးတဲ့အခါကျတော့ အတန်းမှ တစ်တန်းပဲကွာတယ်။ (၁၁)တန်းနဲ့ (၁၀)တန်းဆို တစ်တန်းပဲကွာတယ်။ 
ဒါပေမဲ့ (၁၁)တန်းက ကလေးတွေက (၁၀)တန်းက ကလေးတွေကို မတူမတန်ဆက်ဆံတယ်။ 

★ (၁၀)တန်းနဲ့ (၉)တန်းဆိုရင်လေ သူက တစ်နှစ်ပဲကွာတာ 
(၁၀)တန်းကလေးက (၉)တန်းကလေးကို မတူမတန်ဆက်ဆံတယ်။ တက္ကသိုလ်ရောက်သွားရင်ရော စီနီယာဖြစ်တဲ့လူက 
ဂျူနီယာဖြစ်တဲ့လူကို ဘာလုပ်တုန်း။ အထင်သေးတယ်။ 

★ ဒို့က ၁၉၈၀ ဒို့က ၁၉၈၅၊ သူတို့က ၁၉၈၇၊ ဒို့ထက်
 ၂နှစ်နောက်ကျတယ်။ အဲဒီ (၂၄)လက အရမ်းကို ကမ္ဘာခြားသွားတဲ့ 
ပုံစံမျိုး သူတို့ကို အထင်သေးတယ်။ 

★ ဘုန်းဘုန်းတို့ ဘုန်းကြီးလောကထဲမှာဆိုရင် ဘယ်သူက 
ဘွဲ့ဘယ်နှစ်ခုရတယ်၊ ဘယ်တစ်ပါး ဘွဲ့ပိုရတယ်။ 
ဒကာကလည်း နောက်ကနေမြောက်ပေး၊ ဘုန်းဘုန်းတို့ကလည်း အမြောက်ခံဆိုတော့ ဒီလိုပဲ တစ်ပါးကနေ တစ်ပါးကို 
အထင်သေးတာ အဲဒါမျိုးတွေဖြစ်တယ်။ 

 ★ လောကကြီးထဲမှာ အောင်မြင်အောင် 
မနည်းကြိုးစားရတယ်လေ။ ကြိုးစားပြီး အောင်မြင်
လာတဲ့အခါကျတော့ ကိုယ့်ဟာကိုယ် ယုံကြည်မှုရှိတယ်။ 

★ ဘုန်းဘုန်းတက်ခဲ့တဲ့ အောက်စဖို့ဒ်တက္ကသိုလ်က 
အရမ်းခက်ပါတယ်။ စာအရမ်းခက်တယ်။ 
လန်ဒန်တက္ကသိုလ်ထက်ကို သုံးဆလောက်ခက်တယ်။ 
စာစီစာကုံးတွေပိုရေးရတယ်၊ စာပိုဖတ်ရတယ်၊ 
စာပိုကျက်ရတယ်။ 

★ အဲဒါကြောင့် ကျောင်းသားတွေဆိုရင်လေ undergraduate 
ကျောင်းသားတွေ တနင်္လာကနေပြီးတော့ သောကြာနေ့ 
အလုပ်လုပ်တဲ့ ၅-ရက်၊ အလုပ်လုပ်တာတော့ 
၆-ရက်လောက် လုပ်ရတယ်။ 
၆-ရက်၊ ၅-ရက်ခွဲလောက် လုပ်တယ်ပေါ့။ 

★ တနင်္လာကနေပြီးတော့ သောကြာရယ်၊ နောက်ပြီးတော့ 
တနင်္ဂနွေနေ့ရဲ့ နေ့ခင်းကနေပြီးတော့ စလုပ်တယ်။ 
နားတာက စနေနေ့ တနေကုန်နားတယ် 
နောက် တနင်္ဂနွေနေ့ မနက်နားတယ်။ 
အဲဒီ #၅ရက်ခွဲအတွင်းမှာ သူတို့က 
#တစ်ရက်လောက်ကညမအိပ်ဘူး။ 

★ #စာကြည့်တိုက်လည်း #၂၄နာရီဖွင့်ပေးထားတယ်၊ 
တက္ကသိုလ်တစ်ခုလုံးမှာ စာကြည့်တိုက်(၁၀၀)လောက်ရှိတယ် ဆောက်ပေးထားတာ။ စာကြည့်တိုက် 
ဒီတိုင်းဖွင့်ပေးထားတာ။ 

★ စာကြည့်တိုက်ထဲမှာပဲ စာကြည့်စာရေး၊ essay တွေရေး၊ 
အချိန်မမှီမှာစိုးလို့ တစ်ပတ်တစ်ပတ်ကို စာစီစာကုံး 
တချို့ဆိုရင် တပါတ်မှာဆိုရင် နှစ်ခုရေးရတယ်၊ 
တချို့ဆိုရင် သုံးခုရေးရတယ်။ 

★ အဲဒါမျိုး ဆရာသုံးယောက် တစ်ခုစီ တစ်ခုစီ သွားပေး။ 
ပြီးရင် အဲ့ဆရာတွေဆီသွားရတာ တခြားကျောင်းသားတွေနဲ့။ 
စာမဖတ်လို့တော့ မရဘူး။ ဖတ်ပြီးတော့ မရေးလည်းမရဘူး။ အရမ်းကြိုးစားတယ်။ 

★ အဲလိုအရမ်းကြိုးစား အရမ်းကြိုးစားပြီးတော့ 
အဲဒီကျောင်းကနေ ထွက်လာတဲ့အခါကျတော့ လူက 
ကိုယ့်ကိုယ်ကိုယ် ယုံကြည်မှု confidence တွေအများကြီး 
ပါလာတယ်။ ဘာရယ်လို့မဟုတ်ဘူး ကိုယ့်ကိုယ်ကိုယ် 
ယုံကြည်မှုက ပါလာတယ်။ 

★ အဲဒါကြောင့် အင်္ဂလန်နိုင်ငံအတွင်းမှာပဲ အလုပ်တွေဘာတွေ အင်တာဗျူးသွားတယ်ဆိုရင် သူတို့က အရမ်းကို ယုံကြည်မှုမြင့်မားတဲ့အခါကျတော့ သူတို့ကပဲရသွားတယ်။ 
ပြောရဲဆိုရဲ မသိတာတောင်မှ ပြောရဲဆိုရဲတယ်။ 
သိတယ်ဆိုရင်တော့ ပြောမနေနဲ့တော့။ 

★ အဲဒါကြောင့် တခြားလူတွေကလည်းပဲ သူတို့ကို မုန်းတယ်ဆိုပါတော့။ အောက်စဖို့ဒ်က ထွက်တဲ့လူတွေကလည်း 
လမ်းလျှောက်လာတယ်ဆိုရင် တစ်လောကလုံးမှာ 
သူတစ်ယောက်တည်း ရှိတဲ့ပုံစံမျိုးတွေ၊ 
အဲလိုပြောခံရတယ်။ 

★ Cambridge တက္ကသိုလ်ကလည်း အဲဒီအတိုင်းပဲ 
သူကလမ်းလျှောက်ပြီးတော့ ၀င်လာတယ်ဆိုရင် 
တစ်လောကလုံးက သူ့အကြွေးတင်တဲ့အတိုင်း 
လမ်းလျှောက်လာတယ်။ အဲဒါမျိုးတွေ ပြောခံရတယ်။ 

★ တကယ်လည်းပဲ သူတို့က over confidence 
ဖြစ်တဲ့လူတွေများတယ်၊ ရှိတယ်။ ကိုယ့်ကိုယ်ကိုယ် ပိုပြီးတော့ 
ယုံကြည်တာ၊ ရှိတာထက် ပိုယုံတယ်။ 

★ ဒါက အောက်စဖို့ဒ်ရောက်တဲ့အခါကျမှ မဟုတ်ဘူး၊ 
တောရွာလေးထဲမှာ ကလေးတစ်ယောက်ကို ကျကျနနသင်ပေးရင် သူလုပ်နိုင်တာလေးတွေ တစ်ခါလုပ်နိုင်ရင် တစ်ခါချီးမွမ်းပေး၊ 
တစ်ခါ အလုပ်တစ်ခုခု ပရောဂျက်တစ်ခုခု လုပ်ခါနီးမှာ 
သူ့ကို အားပေး။ အဲဒီလိုပုံစံမျိုးနဲ့ ပရောဂျက်နှစ်ခုသုံးခု 
သူလုပ်ပြီးသွားရင် အဲဒီကလေးက သူ့ကိုယ်သူ 
ယုံကြည်စိတ်အများကြီး ဖြစ်သွားတယ်။ 

★ ကိုယ့်ကိုယ်ကိုယ် ယုံကြည်တဲ့စိတ်မရှိဘူးဆိုရင် ဘုန်းဘုန်းတို့ 
ဒီလောကကြီးထဲမှာ အလုပ်လုပ်ရတာ သူက အဆင်မပြေဘူး။ 
ကိုယ့်ကိုယ်ကိုယ် ယုံကြည်မှုရှိရတယ်။ 
ဒါပေမဲ့ #ကိုယ့်ကိုယ်ကိုယ် #ယုံကြည်တဲ့စိတ်က သူ့မှာ 
side effects ရှိတယ်။ သူ့မှာ #ဘေးထွက်ဆိုးကျိုးတွေရှိတယ်။ 

★ အဲဒီ #ဘေးထွက်ဆိုးကျိုးကတော့ #သူများကို 
#အထင်သေးတတ်တဲ့ဟာ။ ပိုက်ဆံတွေ ကုန်းကွပြီးတော့ရှာတယ်၊ 
စီးပွားတွေ ကုန်းကွပြီးတော့ရှာတယ်။ ပိုက်ဆံရှိလာတဲ့အခါကျတော့ ပိုက်ဆံမရှိတဲ့လူတွေကို ကိုယ်ရဲ့အမြင်က တမျိုးဖြစ်သွားတယ်။ 

★ ဆေးကျောင်းသားလေးတစ်ယောက် တခါ
 ဆရာ၀န်မဖြစ်ခင်တုန်းကဆို စကားပြောတာ ကျနော် 
ဘာလုပ်ပေးရမှာတုန်း၊ သား ဘာလုပ်ပေးရမှာတုန်း။ 
အရမ်းကို “ဂါရ၀ နိဝါတ” များတဲ့ကလေး။ 

★ သူ့ကိုယ်သူ ဆရာ၀န်လည်းဖြစ်သွားရော 
အလုပ်ကောင်းလည်းရသွားရော အဲဒီမှာ ဆေးရုံမှာအလုပ်လုပ်နေတဲ့ သူနာပြုယောက်ျားတွေ၊ တွန်းလှည်းသမားတွ နောက်ပြီးတော့ 
physio ဘက်မှာ လုပ်တဲ့လူတွေကို သူက အရင်တုန်းက 
စကားပြောတဲ့ ပုံစံမျိုးမဟုတ်တော့ဘူး။ 

★ ပြောတာလေ “ဟေ့ ရောင်…” ဟေ့ကောင် ခေါ်တာ၊ ဘုန်းဘုန်းက မကြားဖူးဘူး။ အဲဒါမျိုးတွေ့တဲ့အခါကျတော့ ဒီကောင်းလေး ဘယ်လိုဖြစ်သွားတုန်း။ Confidence, self-confidence 
ရှိသွားပြီး ကိုယ့်ကိုယ်ကိုယ် ယုံကြည်မှုဖြစ်သွားပြီးတော့ သူများကို အထင်သေးတဲ့စိတ် ဘယ်အချိန်၀င်သွားမှန်းကို မသိတော့ဘူး။ 

★ ဒါ တကယ့်ကို ဂါရ၀ နိဝါတ များတဲ့ကလေး။ 
ငယ်ကတည်းက ထောင်လွှားထောင်လွှား ကြွကြွနဲ့ ကြွကြွနဲ့ဆိုရင်တော့ ပြောမနေနဲ့တော့။ အဲဒါမျိုးတွေ ဖြစ်တတ်တယ်။ 

★ #သူများကိုအထင်သေးတဲ့လူက အစောပိုင်းက ပြောသလိုပဲ #သူအထင်သေးခံရမှာအရမ်းကြောက်တယ်။ 

#မတော်တဆ လူတစ်ယောက်က 
#သူ့ကိုလာပြီးတော့အထင်သေးရင် #အဲဒီလူ 
#ချက်ချင်းပဲသူရန်သူဖြစ်သွားတယ်။ အထင်ကြီးခြင်း 
အထင်သေးခြင်းက ခေါင်းနဲ့ပန်း ဟိုဖက် ဒီဖက်ပဲ၊ 
ဒင်္ဂါးတစ်ချပ်တည်း။ 
ကျေးဇူးတော်ရှင်အောက်စဖို့ဒ်ဆရာတော် 
ပါမောက္ခဒေါက်တာ အရှင်ဓမ္မသာမိ